Pages

Showing posts with label beauty. Show all posts
Showing posts with label beauty. Show all posts

27 August, 2011

బాత్రూమోపాఖ్యానం: విశాలం గా ఉండాల్సింది మన ఇల్లు, మనసు మాత్రమే కాదు... Bathroom కూడా...

             మనలో చాలామంది వ్యక్తిత్వవికాసం ద్వారా మనసులను విశాలం చేసుకుంటాం, ఇంటీరియర్ కు ప్రాధాన్యమిచ్చి ఇంటిని అందంగా, విశాలంగా ఉండేలా చూసుకుంటాం. కానీ, అదేంటో బాత్ రూం విషయం లో మాత్రం నిర్లక్ష్యం గా ఉంటాం. చాలామంది ఇళ్ళల్లో బాత్ రూం శుభ్రం గా లేకుండా ఉండటం, సరిగా నీళ్ళు కొట్టక కంపు కొడుతూ ఉండటం, అదీ చాలా ఇరుకుగా ఉండటం మనం గమనిస్తూ ఉంటాం. ఇలాంటి ఇరుకు బాత్ రూం లలో హడావిడిగా కాలకృత్యాలు తీర్చుకోవడం, స్నానం చేయడం వలన శరీరం సరిగా రిలాక్స్ కాదు. స్నానం చేసిన తాజా అనుభూతి మనకు లభించదు. పైగా ఇరుకు బాత్ రూం లు ఉక్కబోతగా కూడా ఉంటాయి, సరైన వెంటిలేషన్ లేకుండా. 
       
              అందుకే బాత్ రూం విశాలంగా, నీళ్ళు సరిగా కొట్టడం ద్వారా పరిశుభ్రం గా, వాసన రాకుండా చూసుకోవాలి. అసలు బాత్ రూం అనేది బెడ్ రూం లో సగం ఉండాలి, వెంటిలేషన్ బాగుండాలి అని అంటాను నేను. చాలామంది బాత్ రూం లో సువాసనల కోసం కొన్ని బాత్ రూం పెర్ఫ్యూమ్స్ వాడతారు. అసలు పైన పేర్కొన్నట్లు బాత్ రూం పరిశుభ్రంగా ఉంటే వేరే పెర్ఫ్యూమ్స్ అవసరం ఉండదు, మనం వాడే సబ్బు, షాంపూల వాసనలు సరిపోతాయి. ఇలా ఉంటే మనం కొంచెం ఎక్కువసేపు బాత్ రూం లో గడుపుతూ స్నానం చేయడం వలన మనం తాజాదనం ఫీల్ పొందవచ్చు, ఒత్తిడి నుండి ఉపశమనం పొందవచ్చు.

              నేనేమీ మిమ్మల్నిపేలస్ కట్టమనడం లేదు, మీరు ఇల్లు కట్టుకుంటే బెడ్ రూం లో సగం బాత్ రూం ఉండేలా చూసుకోండి... అని అంటున్నా..., అంతే. 
               సరే..., ఇంటి బాత్ రూం గూర్చి ఇంత చెప్పాల్సి వచ్చింది, పబ్లిక్ toilets గూర్చి ఇంకెంత చెప్పాలో..., నా వల్ల కాదు... నే చెప్పలేను.

18 July, 2011

తాజా... తాజా... బాత్...


                 రోజంతా తాజాదనంతో మెరిసిపోవాలనుకుంటున్నారా.. అయితే మిల్క్ బాత్ చేయండని బ్యూటీషన్లు అంటున్నారు. మిల్క్‌ బాత్‌లో చర్మ సౌందర్యం మెరుగవడంతో పాటు రోజంతా తాజాదనం అలాగే ఉంటుందని వారు సూచిస్తున్నారు.
                 ప్రతిరోజూ బకెట్‌ నీటిలో ఒక కప్పు పాలపొడి వేసి స్నానం చేయండి. లేదా స్నానము చేసే ముందు చర్మానికి పచ్చిపాలు రాసుకుంటే...,  అలాగే కాస్తంత కలబంద గుజ్జును బకెట్ నీటిలో వేసి స్నానం చేస్తే... ఎండ కారణంగా కమిలిన చర్మానికి మంచి మాయిశ్చరైజర్‌గా ఉపయోగపడటమే గాక, అందులోని సుగుణాలు చర్మానికి తేమనందిస్తాయి. 
                  ఇక అలసత్వం దూరం కావాలంటే.. గుప్పెడు తులసి ఆకుల్ని నీళ్లలో వేసుకుంటే సరిపోతుంది. శరీరాన్ని శుభ్రపరచడంతోపాటు మృదువుగా, ప్రకాశవంతంగా మారుస్తుంది. ఇంకా కామొమైల్ ఆయిల్‌ను నీటిలో వేసుకుని స్నానం చేస్తే పొడి చర్మంగల వారికి స్వాంతనివ్వడంతో పాటు అలసత్వం దూరమవుతుందని బ్యూటీషన్లు చెబుతున్నారు.

22 March, 2011

నిత్యయవ్వనం కోసం... తినండి ...


బెర్రీస్ అనే ఈ పండ్లు పలు రంగుల్లో వస్తాయి. వీటిలో బ్లాక్‌బెర్రీ తప్పించి మిగిలినవన్నీ తినతగినవే. బ్లూ, రెడ్, స్ట్రాబెర్రీ, క్రేన్ బెర్రీస్ అనే ఈ పండ్లలో యాంటీ ఆక్సిడెంట్స్ పుష్కలంగా ఉంటాయి. బెర్రీ పండ్లలో పీచు పదార్థం, వర్ణకాలు మెదడు కణాలను, రక్త నాళాలను ఫ్రీరాడికల్స్ ప్రభావం నుండి రక్షిస్తాయి. ఫలితంగా వయసు మీరినట్లుగా కనిపించదు. అంతేకాదు వీటిని తీసుకోవడం వల్ల చర్మ కొత్త నిగారింపును సంతరించుకుంటుంది. కాంతులీనే చర్మంతో మెరిసిపోతారు. మరింకెందుకాలస్యం బెర్రీస్‌ను ఓ పట్టు పట్టేద్దామా...

08 December, 2010

నొప్పులతో బాధపడే వారికి మసాజ్ తో ఉపశమనం.


ఎన్నో వ్యాధులు, దుర్ఘటనల వల్ల నొప్పులతో సతమతమవు తుంటారు. ఇలాంటి నొప్పుల నుంచి ఉపశమనం పొందేందుకు మందులతో పాటు ఫిజియోథెరపీ అద్భుతంగా పనిచేస్తుందని తమ పరిశోధనల్లో తేలినట్లు పరిశోధకులు తెలిపారు.ఫిజియో థెరపీలో భాగంగా మసాజ్‌, రోల్ఫింగ్‌లాంటి పద్ధతులతోనూ, శరీరంలోని కీలక భాగాలను సున్నితంగా నొక్కడం ద్వారా రకరకాల విపరీతమై నొప్పులను బాగా తగ్గించ వచ్చని తేలినట్లు పరిశోధకులు తెలిపారు. మెత్తని శరీరభాగాలపై స్వల్ప ఒత్తిడితో రకరకాల నొప్పుల నుంచి ఉపశమనం కలుగుతుందని, ఇక రోల్ఫింగ్‌ ప్రక్రియలో కండరాల చుట్టూ ఉండే కణజాలంలో చేతులు, బొటనవేలు, వేలి కణుపులు, మో చేతులు ఉపయోగించి ఒత్తిడి కలగజేస్తారు. బాధితుల తల, మెడ, వెన్నెముకలను ఓ క్రమంలో ఉంచడం ద్వారా నొప్పిని తగ్గించవచ్చని పరిశోధకులు వివరించారు.
              మసాజ్ టెక్నిక్స్‌ను తెలుసుకుని నైపుణ్యంతో మసాజ్ చేసుకుంటే ఉత్తమ ఫలితముంటుంది. శరీరంలో ఒత్తిడికి గురైన అన్ని భాగాలు మసాజ్ మధురానుభూతిని పొంది రిలాక్స్ అవుతాయి. ముఖ్యంగా కణతలు, కనుబొమ్మలు, నుదురు, మెడ, భుజాలు, వెన్ను, నడుము, మోకాళ్లలో నిక్షిప్తమై ఉన్న టెన్షన్ అంతా మసాజ్‌తో మాయమై సంతృప్తిని, పునఃశక్తిని అందుకుంటారు.

నిత్య యవ్వనానికి బీట్రూట్, ముడతలు పోగొట్టే కోడిగుడ్డు సొన...


యవ్వనంగా కనపడేందుకు బీట్‌రూట్ రసం సేవిస్తే బాగుంటుందంటున్నారు ఆరోగ్య నిపుణులు. బీట్‌రూట్‌లో విటమిన్ ఎ, బి, సి, క్యాల్షియం, ఫాస్ఫరస్, పొటాషియం, మెగ్నీషియం, ఇనుము, బీటా కెరోటిన్, పీచు పదార్థాలతోపాటు ఫోలిక్ ఆమ్లం పుష్కలంగా ఉన్నాయి. బీట్‌రూట్ ముదురు ఎరుపు రంగును సంతరించుకునేందుకు ప్రధాన కారణం ఇందులో ఆంధో సైనడిన్లుండటమేనని పరిశోధకులు తెలిపారు. ప్రతి రోజు ఉదయాన్నే పరకడుపున బీట్‌రూట్ రసాన్ని సేవిస్తే శరీరానికి కావలసిన రక్త శాతాన్ని మరింతగా పెంచుతుంది. ఇందులోనున్న పీచుపదార్థం రక్తకణాలపైనున్న అధిక కొవ్వును తొలగించి, మలబద్దకం సమస్యను కూడా నివారిస్తుంది. బీట్‌రూట్‌లో బిటైన్ అనే పోషకం అధికంగా ఉండటం మూలాన శరీరంలో నిల్వవున్న చెడు కొవ్వును కరిగించి వేస్తుంది. దీంతో నిత్యం యవ్వనులుగా ఉంటారని వైద్యులు పేర్కొన్నారు. 
                  శరీరంలోని వివిధ భాగాలలోను, ముఖంపై ముడతలు పడకుండా ఉండేందుకు కోడిగ్రుడ్డును ఉపయోగించండి. గ్రుడ్డులోని తెల్లసొనలో నిమ్మరసం కలుపుకోండి. ఈ మిశ్రమాన్ని కళ్ళకు తగలకుండా ముఖానికి పూయండి. అలాగే గొంతు, బాహు మూలాల వద్ద కూడా పూయండి. ఇలా పదినిమిషాలుంచిన తర్వాత చల్లటి నీటితో కడిగేయండి. తెల్లసొన చర్మంపైనున్న రంద్రాలను పటిష్టవంతం చేస్తుంది. దీంతో వదులుగా మారే చర్మం కాస్త గట్టిపడుతుంది. దీంతో ముడతలు మటుమాయమౌతాయంటున్నారు ఆరోగ్య నిపుణులు.

23 November, 2010

చుండ్రుకు చెక్ పెట్టే "హెడ్ మసాజ్"

  • చుండ్రు సమస్యతో ఇబ్బందిపడేవారు కొబ్బరినూనెలో నిమ్మరసం పిండి గోరువెచ్చగా చేసి తలకు బాగా అప్లై చేయాలి. నూనె పట్టించేటప్పుడు మాడుకు బాగా అంటేలా చూడాలి. అరగంట అలాగే ఉంచాక తలస్నానం చేయాలి. ఇలా వారానికి మూడుసార్లు చేస్తే చుండ్రు సమస్య నుంచి బయటపడవచ్చు.
  • గోరువెచ్చని నూనెతో రాత్రిళ్లు హెడ్ మసాజ్ చేసి, ఉదయాన్నే పెరుగులో మెంతిపొడిని కలిపి తలకు బాగా అప్లై చేసి ఆరాక తలస్నానం చేస్తే చుండ్రుకు గుడ్‌బై చెప్పవచ్చు. వారానికోసారి హెడ్ మసాజ్ చేయించుకుని తలను శుభ్రం చేసుకుంటే పేల సమస్య నుండి దూరంగా ఉండవచ్చు.
  • హెడ్ మసాజ్ చేయటంవల్ల ఉపయోగాలేంటంటే.. హెడ్ మసాజ్ చేసుకోవడం వల్ల అలసిన కళ్ళు రిలాక్స్ అవుతాయి. కళ్ళ మంటలు, తలనొప్పి తగ్గుతుంది. మసాజ్ మూలంగా రక్తప్రసరణ బాగా జరిగి, స్వేదరంధ్రాలు తెరచుకుని వెంట్రుకలు పెరిగేందుకు దోహదం చేస్తుంది. అంతేగాకుండా మాడుకు చలువ చేస్తుంది.

17 November, 2010

లావెండర్ బాత్ చేస్తే మృదువైన చర్మం.


లావెండర్ నూనె కలుపుకుని ఆ నీటితో స్నానం చేస్తే చర్మం తాజాగా ఉంటుంది. చర్మం తెగినపుడు, కాలినపుడు, కొత్తచర్మం తొందరగా తయారయ్యేలా చేయడం ద్వారా లావెండర్ వాటిని త్వరగా మానేలా చేస్తుంది. గాయాలను నయం చేస్తుంది.లావెండర్ నూనెను శరీరంపై నేరుగా ఉపయోగించవచ్చు. మరొక నూనెలో కలుపుకోనవసరం లేదు. లావెండర్ కలిపిన సబ్బులు చర్మంపై మృదువుగా పనిచేస్తాయి. అందువల్ల సెన్సివిటివ్ స్కిన్స్ గలవారు కూడా ఈ లావెండర్ ను ఉపయోగించవచ్చు.చర్మ కణాలు ఆరోగ్యంగా ఎదిగేలా సహకరిస్తుంది. కీటకాలు కుట్టినపుడు బాధనుంచి రిలీఫ్‌నిస్తుంది. దోమలు, కీటకాలను పారద్రోలే రిపెల్లెంట్‌గా ఉపయోగపడుతుంది. చర్మాన్ని మృదువుగా, సున్నితంగా ఉంచుతుంది. షవర్ బాత్, జెల్స్‌లో లావెండర్‌ను వాడతారు.
                  లావెండర్ నూనె కలుపుకుని ఆ నీటితో స్నానం చేస్తే మేని ఛాయ వెలుగులు విరజిమ్ముతుంది. ఈ లావెండర్ బాత్‌కు ఏయే పదార్థాలు కావాలి... వేటిని ఉపయోగించాలో చూద్దాం.


లావెండర్ బాత్ 
సాల్ట్ తయారీకి కావలసినవి: 
సాల్ట్ 4 టేబుల్ స్పూన్స్, లావెండర్ ఆయిల్ 18 చుక్కలు
తయారు చేసే విధానం: ఈ రెంటినీ కలిపి ఒక బాటిల్‌లో నిల్వ ఉంచాలి. రెండు చక్కలు స్నానం చేసే నీటికి కలిపితే చాలు. ఆనందకరమైన స్నానం మీ సొంతమవుతుంది.


లావెండర్ ఆరెంజ్ బాత్ 
సాల్ట్‌కు కావలసినవి:
4 టేబుల్ స్పూన్స్ సీ సాల్ట్
10 చుక్కలు లావెండర్ ఆయిల్
8 చుక్కలు ఆరంజ్ ఆయిల్
తయారు చేసే విధానం: ఈ పదార్థాల్ని బాగా మిక్స్ చేయాలి. బాటిల్‌లో స్టోర్ చేసుకోవాలి. ఒకటి, రెండు ముక్కలు నీటికి కలిపి దానితో స్నానం చేయాలి.

31 October, 2010

లేత గులాబీల్లాంటి పెదాల కోసం ఎం చేయాలంటే!!


మీ పెదాలు గరుకుగా ఉండి చూసేందుకు ఎబ్బెట్టుగా ఉంటే వాటిపై కాసింత శ్రద్ధ చూపండి. మీ పెదాలు గులాబీ రేకుల్లా సుతిమెత్తగా ఉండాలంటే రోజుకు మూడు లేదా నాలుగుసార్లు పగిలిన పెదాలపై తేనె పూయండి. ఇలా నాలుగు-ఐదు రోజులపాటు చేస్తే పెదాలు గులాబీ రేకుల్లా సుతిమెత్తగా తయారవుతాయంటున్నారు సౌందర్య నిపుణులు.

కొందిరికి పెదాలపై పొక్కులు లేస్తుంటాయి. దీంతో గరుకుగా తయారవుతాయి. పొక్కులనుంచి ఉపశమనం పొందాలంటే మరో చిట్కా మీ కోసం. గోరింటాకు (మెహందీ) వేర్లు, బాదం నూనె 60 మిల్లీ గ్రాములు, 15గ్రాముల మైనం(వ్యాక్స్)ను తీసుకోండి.

గోరింటాకు వేర్లను బాగా దంచుకోండి. దంచుకున్న వేర్లను బాదం నూనెలో పది రోజుల వరకు నానబెట్టండి. పది రోజుల తర్వాత నూనెను వడగట్టండి. మైనంను వేడి నీటిపైవుంచి కరగబెట్టుకోండి. ఈ మూడింటిని మిశ్రమంలా కలుపుకుని మీ పెదాలకు పూయండి. ఇలా క్రమం తప్పకుండా వారం రోజులపాటు చేస్తే పెదాలు గులాబీరేకుల్లో సుతిమెత్తగా తయారవుతాయి.

28 October, 2010

మేకప్ చెదరకుండా ఉండేందుకు "క్యారెట్" వాడండి & వాటర్ ప్రూఫ్ మేకప్ వేసుకోండి.

మేకప్ చెదరకుండా ఉండాలంటే.. ఒక టీస్పూన్ క్యారెట్ రసంలో అర టీస్పూన్ పన్నీరు, పావు టీస్పూన్ చందనంపొడి చేర్చి ముఖానికి బాగా అప్లై చేయాలి. ఆ తరువాత ముఖాన్ని శుభ్రం చేసుకుని ఆపై మేకప్ వేసుకుంటే గంటలతరబడీ మేకప్ చెదిరిపోకుండా ఉంటుంది.
 
వేసవి కాలంలో లేదా ఎండ ఎక్కువగా ఉన్నప్పుడు బయటకు వెళ్ళాలంటే కేవలం కాటన్ దుస్తులనే ధరించండి. వానా కాలంలో సింథటిక్, చలికాలంలో సిల్క్ వస్త్రాలను ధరిస్తే శరీరానికి అలసట అనేది తెలియదు. కాలానికి తగ్గట్టు బట్టలను ధరిస్తే చాలా మంచిది. 


మేకప్ చేసుకునే అలవాటుంటే లేదా ఏదైనా ఫంక్షన్, కార్యక్రమాలకు అటెండ్ అయ్యేలా ఉంటే ప్రత్యేకంగా పగటిపూట తేలికపాటి మేకప్ వేసుకోండి. ముఖ్యంగా వేసవి, వర్షా కాలాల్లో వాటర్ ప్రూఫ్ మేకప్ వేసుకోండి. ఇలా చేస్తే మీరు మేకప్ వేసుకున్నట్లే కనపడదంటున్నారు బ్యుటీషియన్లు.


లిప్‌స్టిక్, నెయిల్ పాలిష్ మరియు ఐ షేడ్‌లు మేకప్‌ను ప్రధానంగా ఆకర్షించేటివి. వీటిని మీరు ఉపయోగించే నేపథ్యంలో మీ వయసు, పరిసరాలను దృష్టిలో ఉంచుకుని వాడండి.   

సాధారణమైన పార్టీలకు మీరు అటెండ్ అయ్యేటప్పుడు మేకప్ అదిరిపోయేలా ఉండకూడదు. సింపుల్‌గా ఉండేలా చూసుకోండి. అలాగే మీరు ధరించే దుస్తులుకూడా సాధారణంగానే ఉండేలా ధరించండి. మీరు వేసుకునే మేకప్ మిమ్మల్ని ఉన్నతంగా చూపేలా వేసుకోండి. 

కొందరికి మేకప్ వేసుకుంటే అది త్వరగా పాడైపోయి ముఖం అందవికారంగా మారిపోతుంటుంది. కొన్ని సందర్భాలలో కొందరు వాడే మేకప్ చాలాసేపటి వరకు ఉండదు. ఇలాంటివారు ముఖం శుభ్రం చేసుకున్న తర్వాత మేకప్ వేసుకోవడం చాలా ఉత్తమం.

దూదిని నీటిలో ముంచి ముఖాన్ని శుభ్రం చేయండి. దీనికి క్లీజింగ్ మిల్క్ ఉపయోగించండి. ముక్కు, గడ్డం, నుదురును శుభ్రపరచండి. ఎందుకంటే ముఖంపై ఎక్కువగా నూనె పదార్థాలుంటాయి.

మేకప్ వాడే అలవాటున్నవారు ప్యాన్ స్టిక్ లేదా ప్యాన్ కేక్ మేకప్‌ను ప్రయోగించండి. ఇది ఆయిల్ బేస్డ్ అయితే ముఖంపై తేలికపాటి మెరుపు కలిగి ఉంటుంది. దీని తర్వాత స్పాంజ్‌ను నీటిలో ముంచి ముఖంపై రుద్దండి.

దీంతో మీరు వేసుకున్న మేకప్ వాటర్‌ప్రూఫ్‌లా మారిపోతుంది. మీరు వాడిన మేకప్‌పై నీటిలో ముంచిన దూదితో రుద్దకపోతే మేకప్ ఎండిపోతుంది. పైగా పగుళ్ళు కనపడుతాయి. తర్వాత బ్రష్‌తో కాంపాక్ట్‌ను పూయండి.

ఇలా చేస్తే ముఖంపైనున్న ముడుతలుకూడా కనపడవంటున్నారు బ్యుటీషియన్లు. వర్షాకాలంలో లైట్ మరియు మైట్ ఫినిష్‌లాంటి మేకప్ వేసుకోండి. గ్లాసీ మేకప్ చెమట లేదా వర్షం కారణంగా వెంటనే పాడైపోతుంది.


26 October, 2010

ముఖంపై ముడతలా..? అయితే...


సాధారణంగా యువతుల్లో ముఫ్పై ఏళ్లు దాటగానే.. ముఖంపై ముడతలు వచ్చేస్తుంటాయి. దీంతో వారు తెగ బాధ పడిపోతుంటారు. వీటి నుంచి తప్పించుకునేందుకు రకరకాల క్రీములు రాయడం, బ్యూటీ పార్లర్‌కు వెళ్లి పర్సులు ఖాళీ చేసుకోవడం వంటివి చేస్తుంటారు. కానీ.. బ్రిటీష్ వైద్యులు మాత్రం ఇలాంటివేవీ అవసరం లేకుండా మంచి నీటితో ముఖంపై ముడతలకు స్వస్తి చెప్పవచ్చని భరోసా ఇస్తున్నారు.

రోజుకు కనీసం ఒకటిన్నర లీటర్ (8 గ్లాసుల) మంచినీటిని తాగితే ముఖంపై ముడతలు నివారించవచ్చని వైద్యులు సూచిస్తున్నారు. నీటిని అధికంగా సేవించడం వల్ల శరీరంలో మలినాలు బయటకు వెళ్లి చర్మం ముడతలు పడకుండా కాపాడుతుందని వారి తాజా పరిశోధనలో వెల్లడైంది.

ఈ పరిశోధనలో భాగంగా కొంత మంది స్త్రీలకు వారి ఆహారపు అలవాట్లు, దినచర్యలలో ఎలాంటి మార్పులు లేకుండా.. యధాతథంగా కొనసాగిస్తూనే రోజుకు ఎనిమిది గ్లాసుల నీటిని ఎనిమిది వారాల పాటు తీసుకోమని ఉచిత సలహా ఇచ్చారు. వీరిలో కొందరు సాధారణ ట్యాప్ వాటర్ సేవించగా మరికొందరు బ్రిటన్‌లోని ఓ సరస్సులో దొరికే సహజసిద్ధమైన మినరల్ వాటర్‌ను సేవించారు.

అనంతరం వీరి ఫోటోలను ఎనిమిది వారాలకు ముందు ఎనిమిది వారాలకు తర్వాత తీసి తేడా పోల్చి చూశారు. అశ్చర్యంగా ట్యాప్ వాటర్ సేవించిన వారి ముఖంపై 19 శాతం చర్మం ముడతలు తగ్గగా.. మినరల్ వాటర్ సేవించిన వారి ముఖంపై 24 శాతం మేర చర్మం ముడతలు తగ్గినట్లు వారు గుర్తించారు.


21 October, 2010

హైహీల్స్ వేసుకున్నంత మాత్రాన అబ్బాయిలు ఫ్లాటవ్వరు..!!, హై హీల్స్ అనారోగ్యాన్నీ తెస్తాయ్


కొంతమంది స్త్రీలు తమకు ఇబ్బందిగా ఉన్నప్పటీ పురుషుల దృష్టిని ఆకర్షించడానికి ఎత్తు మడమ చెప్పులు (హై హీల్స్) ధరిస్తుంటారు. అయితే ఇలాంటివి ధరించి తమ ఆరోగ్యం, సమయం వృధా చేసుకోవద్దని పరిశోధకులు అంటున్నారు. ఎందుకంటే వీటిని పురుషులు అస్సలు గుర్తించరట..!

ఉత్తర ఆంబ్రియా కళాశాల నిపుణులు జరిపిన ఓ పరిశోధనలో ఈ విషయాలను వెల్లడించారు. అబ్బాయిలు కనీసం అమ్మాయిలను హైహీల్స్ వేసుకోమని కూడా చెప్పరని, కొందరు స్త్రీ, పురుషులపై జరిపిన పరిశోధనలో వారు తెలిపారు. ఈ పరిశోధనలో భాగంగా హైహీల్స్ ధరించే యువతులు, హైహీల్స్ ధరించని యువతులపై పురుషుల స్పందనను వారు పరిశీలించారు.


స్త్రీలు ధరించే హీల్స్‌కు ఎటువంటి ప్రాధాన్యత లేదని వారు గుర్తించారు. "స్త్రీలు అందంగా కనబడటం కోసం అనవసరంగా హైహీల్స్‌పై డబ్బు ఖర్చు చేస్తారు, అది వారి ఆరోగ్యానికే ప్రమాదం.. సహజంగానే వారు అందంగా ఉంటారనే విషయాన్ని తెలుసుకోవాలి. ప్రతి ఒక్కరూ ఎవరో ఒకరి పట్ల ఆకర్షితులవుతారు. మానవులకు సంబంధాలు చాలా ముఖ్యం" అని డే నీవే అన్నారు.

"హై హీల్స్" ఇంకో మాటలో చెప్పాలంటే మునివేళ్ళ మీద నడవటం. ఇది చూడడానికి బానే వుంటుంది కానీ... ఇది చూపించే దుష్ప్రభావాలు కూడా అలానే ఉంటాయి. మునివేళ్ల మీద నడవడం వల్ల ఒత్తిడి పెరిగి బొటన వేళ్ళు వంకర పోవడం, మోకాళ్ల నొప్పులు, కీళ్లు మరియు కాలి మడమలు అరిగిపోవడం, నరాలు తొలగిపోవడం, పాదాలు దెబ్బతినడం, గోళ్ల ఇన్‌ఫెక్షన్ రావడం వంటి ప్రమాదాలున్నాయని ఆర్థోపిడిషియన్(ఎముకుల డాక్టర్)లు అంటున్నారు.

మడమ ఎత్తు కారణంగా మోకాలి జాయింట్లపై ఒత్తిడి పెరిగి తొడ భాగంలోని కండరాలపై తీవ్ర ప్రభావం చూపుతాయి. తద్వారా కండరాల కదలిక భారమై మోకాలి జాయింట్లు అరిగిపోయే ప్రమాదం ఉంది. ఒక్కోసారి శాశ్వతంగా నడకను కూడా కోల్పోయే ప్రమాదం ఉందని వైద్య నిపుణులు చెబుతున్నారు.


మీకు హీల్స్ వేసుకోవాలని మరీ కోరికగా ఉంటే డాక్టరును సంప్రదించి ఎంత ఎత్తు వరకూ హీల్ వాడవచ్చనే విషయాన్ని దృవీకరించుకొని మరీ వాడితే మంచిది.

Trend N track

Trend N track
YouTube Channel