Pages

Showing posts with label corruption. Show all posts
Showing posts with label corruption. Show all posts

31 August, 2012

అవినీతి & Politicians... మారిన ప్రజల విచక్షణ...!!!, ...నైతికత...???



అవినీతి, అక్రమాలకూ పాల్పడి అక్రమార్జనతో కోట్లకు పడగలెత్తిన రాజకీయ నాయకులకు గల ప్రజాదరణ చూస్తుంటే, ఉన్నత స్థాయిలో అవినీతి ప్రజలకు ఇంకా పట్టే వాతావరణం భారతదేశంలో ఏర్పడలేదని, అలాగే అవినీతి విషయంలో ప్రజలు అన్ని పార్టీలను ఒకే గాటన కట్టేస్తున్నారని తెలుస్తోంది. 
రాజకీయ నాయకులు అంతా అవినీతిపరులే అనే అభిప్రాయం ప్రజల్లో బలంగా ఉంది. ఇక్కడే మరో విషయాన్ని కూడా గుర్తించాలి. నాయకుల అవినీతి కార్యకలాపాలు తక్షణమే ప్రజలపై ప్రభావం వేసే పరిస్థితి లేదు. దీర్ఘకాలంలో వాటి ప్రభావం ప్రజలపై సామూహిక ప్రభావాన్ని చూపుతాయి. ఇప్పటికే చూపుతున్నాయి కూడా. వాటిని గ్రహించే స్థితి కూడా ప్రజలకు లేదు. 
ఇక, ఉన్నత స్థాయిలో అవినీతి జరిగినప్పటికీ నిత్య జీవనంలో తక్షణ ప్రయోజనం కలగడాన్ని మాత్రమే ప్రజలు తమ అనుభవంలోకి తీసుకుంటున్నారు. పాలకులు లేదా రాజకీయ నాయకులు ఎంతగా అవినీతికి పాల్పడినా తమకు ఏ మేరకు మేలు జరుగుతుందనేది చూస్తున్నారు. అది కూడా తమ వ్యక్తిగత ప్రయోజనమై ఉండాలి.
అలాగే, 2జి స్పెక్ట్రమ్, కామన్‌వెల్త్ క్రీడల వంటి కుంభకోణాల్లో కాంగ్రెస్ తమ పార్టీ వారిని కూడా సహించేదిలేదని, కళంకితులను కాంగ్రెసు సహించడానికి సిద్ధంగా లేదని ఎంతగా ప్రచారం చేసుకున్నా ప్రజలు నమ్మే పరిస్థితి లేదు. ఆ కేసులు క్రమంగా నీరు కారుతాయనే అభిప్రాయమే ప్రజల్లో బలంగా ఉంది.

10 September, 2011

మారిన ప్రజల ధోరణే... నేతల తెగింపు కు కారణం

                 పూర్వం ఉమ్మడి కుటుంబ వ్యవస్థ ఉండేది. అప్పటి ప్రజల ఆలోచనాపరిధి ఎక్కువగా ఉండేది. తన భార్యా పిల్లలని కాక ఉమ్మడి కుటుంబం లోని ఇతర సభ్యుల బాగోగుల గూర్చి పట్టించుకునేవారు. అలాగే, అలా వారి ఆలోచన, విశాల ధృక్పధం దేశం, సమాజం వరకు కూడా విస్తరించి ఉండడం వలన అప్పట్లో ఎవరైనా నాయకుడు గాని, అధికారి గాని అవినీతిపరుడని, అక్రమార్జనకు పాల్పడ్డాడని వెల్లడైతే, ఆయా నాయకుడు లేదా అధికారి సమాజం లో తల ఎత్తుకుని తిరిగే పరిస్థితి ఉండేదికాదు. ఆయా నాయకులు తదుపరి ఎన్నికలలో ఓటమి పాలయ్యేవారు. 
                కానీ నేటి సంకుచిత మనస్తత్వం కలిగి ఉండే చిన్నకుటుంబవ్యవస్థ వల్ల ప్రజల ఆలోచనాపరిధి కూడా కుచించుకుపోయి సమాజం పై, దేశం పై కూడా చెడు ప్రభావం చూపుతోంది. తమ భార్యా పిల్లల గూర్చి మాత్రమే ఆలోచించే చిన్న కుటుంబవ్యవస్థ లోని ప్రజలు దేశానికి నష్టం కలిగించే నాయకుల అవినీతి, అక్రమార్జన గూర్చి ఏ మాత్రం ఆలోచించకపోగా, వారి వల్ల తమకు జరిగిన చిన్నపాటి మేలు వలన వారికి విశ్వాసం చూపడానికి సిద్ధపడుతున్నారు. ప్రజల యొక్క ఈ ధోరణి వలన ఆయా నాయకులు మరింత తెగబడే ధోరణి ప్రదర్శిస్తున్నారు.
          అసలు ప్రజలకు సేవ చేయడమనేది, ప్రజలు ఎన్నుకున్న నాయకుల యొక్క, ప్రభుత్వం యొక్క భాద్యత. ఇక్కడ విశ్వాసం అనే భావనను ప్రజలు వీడి, ప్రజల సెంటిమెంట్ ను అడ్డుపెట్టుకుని స్వలాభం కు అధిక ప్రాధాన్యతనిచ్చే నాయకులకు తగిన బుద్ధిచెప్పాలి. 

Trend N track

Trend N track
YouTube Channel